foolish thief

一大朝早起身, 本來約左去游水既
途中不幸既事情就發生係我身上

一路傾電話一路行既時候, 比個賊搶左個電話
光天化日之下竟然有人夠膽死搶劫, 仲要發生係我身上,
果一刻覺得我黑仔既日子好像又返黎la, 之前搵到工既時候覺得自己好好運ga ma
我唔夠佢跑, 最後放棄左
都有兩個途人想幫我捉, 但捉唔到
同朋友會合左之後去左報警

今次呢件事帶左好多第一次比我
第一次比人搶野
第一次參觀警局(原來好多pc d eng都好差的)
第一次落口供, (原來要落好耐, pc好像作文咁)
第一次坐警車,
第一次見CID (原來警察同賊真係冇樣野睇, 真係好像黑社會)

搞左成朝, 咁就冇去游水lu, CID講話搵得返既機會係微乎其微
心諗又要買電話la, 部絕版既電話都唔值得幾多, 又唔係i瘋
點解當我冇諗住換既時候偏偏迫我換呢,

之後中午警局打黎話捉到佢, 我同朋友都話乜佢咁蠢ga, 衫都唔換
又要落多次口供, 部電話變左證物, 要上法庭, 3-4個月先有得拎返
到最後部電話都係冇得拎返!

原來果個係偷渡黎既

呢輩子到目前為止已經係第3次報警
如果有下次, 希望係唔關我事ga la